القائمة الرئيسية

الصفحات

روايه عريس مكتمل الانوثة الفصل الاول

روايه عريس مكتمل الانوثة الفصل الاول


 في ليلة دخلتي


او..(ليلة العمر)

كما يقال


 كنت اقف في غرفة نومي الباردة..


وانا اشعر بخيبة امل كبيرة


حيث تركني زوجي... وحبيبي

الذي تزوجني بكامل ارداتة


 وذهب لينام في سريرة المنفصل


 دون ان ينطق بكلمة واحدة


وبالرغم من تالقي بقميصى المثير

ومظهري الرائع في تلك الليلة


الا ان ذلك المشهد لم يلفت انتباه زوجي...


ولم يؤثر في مشاعرة


 لا من قريب ولا من بعيد


وبالرغم ..من دهشتي واستيائي مما حدث


الا انني لم اوجه له كلمة لوم واحده


ولم اسألة عن سبب تجاهلة لي في تلك الليلة


بل تركتة لينام في هدوء


وتعللت لنفسي..


بانة ربما يكون مجهدا


فقد كان اليوم  طويلا ومرهقا حقا


ومرت الليلة الاولي..


وكل منا في سريرة


وللاسف..

تبعتها الليلة الثانية ..


وحدث فيها ما حدث في اليلة السابقة


وظل الامر هاكذا 


حتي مر شهر كامل


 وكريم زوجي..


 يفعل نفس الشيئ 


ينام وحده..ويتعمد تجاهلي


وكنت كلما شعرت بالتجاهل..

من زوجي

كلما فقدت ثقتي بنفسي 

وتاذيت اكثر


 وكنت دائما ما اسال نفسي


واقول..ياتري هو ليه بيعمل معايا  كده؟


يمكن اكون معجبتوش؟


ولا يمكن يكون متوتر زي اي عريس جديد؟


ولا يمكن يكون


 متدايق من فكرة انه تزوج من امراة

سبق لها الزواج برجل قبلة؟


ايوه وارد فعلا

روايه عريس مكتمل الانوثة الفصل الاول 

 لان كريم لم يسبق له الزواج


ولا يمكن......؟


وفضلت اضرب اخماس في اسداس


وبرضوا مفهمتش سبب التجاهل والبرود ...


وكل ما كانت بتصعب عليا نفسي


كنت ابص لكريم

 بدون ما اتكلم


و بيني وبين نفسي

اسالة

و اقولة..

ليه بتعمل معايا كده يا كريم؟


لية تكسرخاطري؟


وتحسسني اني اقل واقبح امراة في 


امال ازاي قرايبي...

 وكل الناس الي اعرفهم


  كانوا بيشهدوا باني جميلة وجدابة كمان؟


معقولة كلهم كانوا بيجاملوني وبيكدبوا عليا؟

  

طيب...ولما انت ملكش رغبة 

في جوازك مني


ليه اتجوزتني اصلا؟


ورجعت اتنهد بغلب

 وكسرة نفس


واقول..

ليه كده بس يا كريم؟


دنا قلت..

 ان الدنيا صالحتني بيك ؟


وفضلت اتحسر علي حالي كده


لغاية...

ما جاءت ا ليلة 

الي قمت فيها بثورة 


علي برود مشاعر زوجي وفتورة


وسالتة بغضب

وقلتلة....

هو انت ندمت علي جوازك مني يا كريم؟


فا رد كريم  بدهشة وتعجب

وسالني

وقالي....

 ليه بتقولي كده يا حبيبتي؟


قلت..معلش رد علي سؤالي لوسمحت؟


فا بصلي كريم بحنية وحب كبير اوي


وقالي..

انا عمري ما كنت سعيد بقرار اخدتة في حياتي


زي منا سعيد بقرار جوازي منك

يا هدير


قلت..امال في اية؟


فسالني كريم بتعجب

وقالي..


في ايه يا حبيبتي مالك؟


اتغظت من برودة

وسالتة

وقلت.. هو ايه الي مالي؟


..انت شايف اننا تمام كده يعني؟

واقتربت منه

ولمست ايده 

وقلتلة..

حبيبي انت  مش واخد بالك  

 

 اننا المفروض في شهر العسل


  والمفروض اننا متجوزين بعض عن اقتناع وحب


يعني مفروض برضوا اننا نكون اسعد اتنين في العالم


رواية/

عريس مكتمل الانوثة

الجزء الاول

للكاتبة..حنان حسن


المهم...

 ابتسم كريم بخجل


وقالي..

فاهمك يا قلبي


لكن...

 انا قلتلك قبل كده


 عن الحالة النفسية الصعبة


 الي انا  اتعرضتلها بعدما والدي اتوفي 

واد ايه هي اثرت علي نفسيتي


بس نسيت اقولك 


اني لما عملت فحوصات


جميع الاطباء الي كشفوا عليا اجمعوا...

 علي ان حالتي النفسية

 اثرت علي اعصابي كلها بشكل كامل


وقالولي انها مسالة وقت


يعني في مسافة شهر ولا اتنين وهرجع احسن من الاول


وبصلي كريم بحنية

وسالني


وقالي..

ياتري حبيبي ممكن يصبر عليا الفترة الباقية ؟


لغاية ما امر من المحنة دي؟


ولا هيفضل زعلان مني وظالمني كده كتير؟


بصراحة بعدما سمعت رد كريم

ومبرراتة


اتكسفت من نفسي


ولقيتني بعتذرلة


وبقولة..

طبعا حبيبي هصبر حتي لو هصبر العمر كلة


انا بجد اسفة


واوعدك اني مش هفتح معاك الموضوع ده تاني


ولا هزعجك بيه  ابدا لغاية ما ربنا يمن عليك بالشفاء


 وقد كان...


وفعلا...

 نسيت الموضوع تماما


وفضلنا ع الحال ده


لغاية...ما جه اليوم...


الي عرفت فيه الحقيقة المرة


و اكتشفت  ان كريم كان بيكدب عليا وبيخدعني


وطلع ...لا عنده  حالة نفسية ولا يحزنون


واكتشفت ان سبب برودة مصيبة سودة 

وحكاية تانية خالص


م الاخر

كارثة من العيار الثقيل


 ايوه...

 اكتشفت بالصدفة.. 


من خلال موبيل كريم زوجي 

انة...

انسان مريض و غير سوي


مش عارفة اجيبهالكم ازاي

لكن..

بمعني اوضح

اكتشفت انة ....


(شاااا....ذ)


و عرفت كمان بالصدفة 

ان كريم

علي  علاقة عاطفية باحدهم


وفي  اللحظة الي اكتشفت فيها ده


شعرت بان الارض غير مستقرة تحت قدمي


فا اتكأت علي السرير

وقعدت 


 و الدموع نازلة من عيني 


وحسيت اني مشوشة الذهن 

ومش قادرة افكر ولا اركز


وكل همي ساعتها 


كان... ابني المراهق 

الي انا جيبتلة في البيت  مصيبة سودة

وفي اللحظة دي


كان... ويلي  ويلان


ويل..فقدان ابني عمر

 المراهق


الي معرفش اختفي فين؟


ولا حصلة ايه؟


 

وويل المعلومة الصادمة الي عرفتها ...

عن زوجي 


 عارفة انكم مش فاهمين حاجة

 

وزمانكم بتسالوا

مين كريم ؟


وليه اتجوزتوا؟


وازاي عمر ابني اختفي ولية؟


بس عشان تفهموا كل ما سبق


لازم اقولكم حكايتي من البداية


بس الاول


هعرفكم بنفسي


انا اسمي هدير


عندي ٣٢ سنة


بعيش في القاهرة


جميلة الحمد لله


وحاصلة علي مؤهل عالي


نشأت في اسرة متوسطة الحال

في بيت بابا


حيث كنا  خمسة اشقاء

 بنتان... وثلاثة ذكور.. 


قبل انفصال ماما عن ابويا ..

 كنا عايشين كلنا مع بعض 

 حياة هادية


مكنش فيها اي منغصات 


ومكنش في حد يقدر يدايقنا ...


لغاية ما ماما انفصلت عن بابا

وبدات

 تحكمات بابا  واخواتي الذكور


فيا انا واختي نيرة


 بحكم اننا بنات


وبقي الخروج ليا انا واختي   بحساب


والرجوع بوقت محدد


وبتكلمي مين ؟


ودي صاحبيها ...ودي متصاحبيهاش


وكده يعني

وكنا بنسمع ونطيع الاوامر


لان ده العادي


لكن...

 كنا بنستغرب انا ونيرة


من طريقة بابا 

في تربية اخواتي الذكور


اصل اخواتي الصبيان 


 كانوا ممكن يفضلوا طول النهار والليل في الشارع 

عادي


وبابا ميسالش حد فيهم 


 ولا يقولة..انت كنت فين؟


ولما كنا نسال بابا

ونفولة...

 اشمعني اخواتنا الذكور


كان يقول..دول رجالة وانتوا بنات


وكأن البنات فقط

 الي ممكن يتعرضوا للاستغلال والخطر في الشارع


لكن الذكور لا


المهم..

نشأنا انا واختي علي طريقة التربية دي


لغاية ما كبرنا اناو نيرة وكل واحدة فينا اتجوزت  


وبالنسبالي انا


فا تزوجت مرتين


انجبت من زوجي الاول ولد اسمة (عمر )


وعمر اصبح كل حياتي


وكنت بربي ابني


 بنفس الاسلوب والطريقة

 الي بابا كان 

بيربي بيها اخواتي الذكور


يعني مكنتش بضيق عليه

 ولا بدايقة باسالتي


وكنت بسيبة براحتة يخرج او يقعد  علي النت 


وبسيبة يكلم اي حد ويصاحب اي حد بدون ما اسال


ولا حتي اتابع من بعيد


علي اساس انه ولد


هيجرالة ايه يعني؟


لكن للاسف..


من يوم ما عمر بدء يبقي له اصحاب ...

حسيت انه كبر فجاءة 


بالرغم من انه  لم يتعدي ال١٣ سنة 


والمشكلة انه بقي يفكر بدماغ اصحابة


وبعد عني ومبقاش يتكلم معايا خالص


وبصراحة انا كمان مكنش عندي وقت اني اتكلم معاه


المهم..

بعدما زوجي الاول


 (والد عمر)... توفاه الله 

وبقيت ارملة


عيشت لوحدي... وربيت عمر


لغاية ما قابلت كريم 


الي كان ساعتها بيشتغل في بنك


وقالي انه مكنش لة حد في الدنيا غير والدة

المريض..


الي كان متعلق بيه بدرجة جنونية


وللاسف

حتي ابوه اتوفي ومبقاش لكريم حد في الدنيا


وبعدها بفترة


كريم طلب مني الزواج 


ولما قلت لاختي ان كريم طلب مني الزواج


اقترحت عليا نيرة اني اجرب حظي تاني في الجواز


وفعلا  تزوجت (بكريم) زوجي الحالي


 بس يظهر اني مليش بخت في الجواز


لان ...بعد الجواز 


صارحني كريم بانة عنده مرض نفسي ماثر علي اعصابة


وفهمني انه بيتعالج منه

رواية عريس مكتمل الانوثه الفصل الاول 

 وقالي كمان

 ان الاطباء اجمعوا


ان كلها كام شهر

 وهيمارس حياتة الزوجية زي اي زوج معافي


وطبعا انا عشان بحبة

 تفهمت... وارتضيت بحنيتة واهتمامة فقط


المهم..


الامور كانت علي ما يرام


لغاية ما ...

 تفاجئت  باكثر من مصيبة


وبداية اكتشافي للمصايب...

كانت لما  عمر ابني المراهق

 


خرج  من اول اليوم..


في صحبة اصدقائة


  ومرجعش لغاية نصف الليل


وللاسف موبيلة كان مقفول


 ودلوقتي


مازلت معرفلوش طريق


وفكرت اسال عليه حد من اصحابة الي خرج معاهم

لكن...

اكتشفت..

اني  معرفش حد من اصحابة نهائي


ولا حتي معايا اي رقم لاي صديق له


وفجاءة

 تذكرت ان عمر ابني


كان اتعرف علي صديق علي النت

وكان ديما بيتشات معاه


وصديقة ده 

كان اسمة مهند


و عايش مع اهلة في الامارات


وعمر كان  بيتواصل معاه


عن طريق الشات  او...الوتس

المهم...


فضلت افكر....


ازاي اوصل لمهند


انا حتي مخدتش بالي من اسم الاكونت بتاع مهند


ولا حتي اعرف رقم لمهند


وسالت نفسي


انا ازاي مكنتش بدور ورا اصدقاء ابني ؟


واعرف هو بيكلم مين و بيعرف مين؟


بس هعرف ليه؟

انا ابني ولد

هيحصلة اية يعني؟


المهم... 

حاولت جاهدة


 اني ابحث في موبيلات عمر القديمة 


يمكن الاقي  رقم  مهند


واثناء ما كنت بفتش في الموبيلات القديمة...


وقع في ايدي موبيل كنت اول مره اشوفة...


وبعد معافرة 

قدرت افتح الموبيل الي لقيتة


ولما رنيت منه علي موبيلي 


عشان اعرف موبيل مين ده؟


 اكتشفت انة موبيل

 (كريم جوزي)


لان الرقم الي كان في الموبيل


كريم جوزي  كان كلمني منه قبل ما نتجوز

 وانا مسجلاه عندي


وفاكره كمان


 ان كريم قالي....


 ان الرقم ده ...

راح مع موبيلة الي اتسرق من فتره


المهم..

فتحت الموبيل..


وفضلت اتصفح الشات والوتس


وهنا كانت الطامة الكبري


لاني اكتشفت المصيبة الي اتسببتلي في صدمة


وهي....

 ان كريم علي علاقة عاطفية بشخص 


والشخص الي كريم عامل معاه علاقة  ده (راجل)

 مش امراة


وده كان واضح

 من كلمات العشق... والغرام... 


 الي بيبعتهم للرقم الي ادامي


والتواريخ بتقول...

 ان المحادثات ...بتاريخ جديد

 

يعني بعد جوازنا بفترة بسيطة


وبقيت اسال نفسي


وانا بضرب دماغي في الحيط

واقول...لية؟


طالما هو منيل بستين نيلة كده


يبقي ليه كان بيتجوزني؟


يارررربي

يكونش كان بيتجوزني عشان يوصل لابني؟


اصل مفيش مبرر تاني لجوازة مني


وبسرعة اتصلت علي كريم جوزي


عشان يجي ...

واواجهة بالي عرفتة ...


وكمان عشان اسالة


 ان كان يعرف مكان عمر ابني


لكن كريم جوزي كان موبيلة مقفول هو كمان


وفضلت الطم علي وشي

واقول لنفسي

ينهار ازرق


طيب هعمل ايه دلوقتي؟


هجيب كريم منين؟


وهطمن علي ابني ازاي؟


وفضل الشيطان يلعب بدماغي


 لدرجة اني ربطت سبب اختفاء ابني


بالمعلومة الي عرفتها عن كريم جوزي


وفضلت اسال نفسي

واقول...

طيب اعمل ايه؟


ابلغ البوليس وافضح نفسي؟


ولو بلغت البوليس

 هقولهم ايه؟


لا منا لازم اعمل حاجة انا مش هقعد كده


مين عالم دلوقتي


 كريم جوزي اخد ابني فين؟ وبيعمل معاه ايه؟


وفي عز ما كانت الافكار المسمومة بتاكل في دماغي


سمعت صوت جرس الباب


فا طلعت اجري علي الباب


يمكن يكون عمر ابني رجع


 او حد فيهم ع الباب


وفعلا فتحت الباب


عشان اتفاجئ ادامي بمصيبة جديدة........


لو عايز باقي احداث الرواية


صلي علي رسول الله وطبعا مش هننسي نضع عشر ملصقات مع متابعة صفحتي الشخصية

مع تحياتي

الكاتبة

حنان حسن

الفصل الثاني 

تعليقات

التنقل السريع