القائمة الرئيسية

الصفحات

 🤣🤣 يا مسا الجنان 🤣🤣

🌺🥀 اسكريبت ع الماشي 🌺🥀



_طلقني 


_نعم؟!!

_بقولك طلقني 

_انتي اتهبلتي ف نفوخك يا بنتي طلاق ايه بعد أسبوع جواز 

_أهو كيفي كدة 

_كيفك ايه احنا بنحشش 

_متعصبنيش ياض

_طيب ممكن افهم ايه اسباب سيادتك اللي خلتك تطلبي طلب زي دة 

_اكتشفت انك جود بوي 

_نعم يختي 

_زي مسمعت ، انت مش فتى احلامي اللي طول عمري بتخيله ، دة انت بتحضرلي الفطار وبتجبهولي لغاية السرير 

_وهي دي حاجة وحشة

_ طبعاً وحشة ، أنا كان نفسي ف باد بوي كدة يصبحني بعلقة ويمسيني بعلقة ، ويبقى بيكرهني ومتجوزني غصب والكاس مبيفارقش ايده ويخوني يجيب نسوان ف البيت ويخوني قدامي ، يبقى أبوه وابويا بيكرهوا بعض وواخدني عشان يذلني ويكسر عيني ، ويكون بينه وبين راجل أعمال شرير مشاكل ويخطفني ويبدأ الأكشن بقا وينقذني منهم وبعدين يحبني بقا والراجل الشرير دة يرجع يرازي فينا ويدبرله مؤامرة ويفكله فرامل العربية وتتقلب بينا ويموت هو ف الحادثة وانا اعيش ع ذكراه بقا وأورث كل ثروته واتبرع بيها لـ 57357 

_ف ايه يما ايه جو الروايات الفكسانة اللي عايشة فيها دي 

_دي مش روايات فكسانة دي أساسيات ماشيين عليها كلنا 

_كلكوا مين

_البنات يعني 

_اااه طيب بطلي خيالات ، ويلا عشان هنروح لماما

_أمك الشريرة؟ 

_شريرة ايه ، فوقي من الوهم اللي انتي فيه دة ، امي عزمانا ع العشا النهاردة 

_يابني عشا ايه بقولك طلقني ، انت مبتفهمش يا آدم

_آدم مين يا بت 

_دة بطل رواية بس ايه باد بوي أوي 

_الله يخربيت سنينك يا شيخة ، ف واحدة عاقلة تنادي جوزها باسم واحد تاني 

_جرى ايه انت هتشك فيا ولا ايه

_يعني انتي عايزاني اسمعك بتناديني باسم راجل تاني واسكتلك

_انت مش عارف دة مين ، دة آدم .. آدم دة أعرفه من قبل ما اعرفك أصلاً ، أنا لو ف حاجة بيني وبينه عمرك مهتعرفها

_خلصتي يا أروى جودة .. يلا بقا روحي اجهزي 

_تعالى هنا هتلبس ايه 

_بليزر وبنطلون

_بليزر ايه ف الجو الحر دة ، البس تيشيرت وبينلنا العضلة كدة 

_مبحبش التشيرتات ، ثم انا معنديش عضلات أصلا

_برضو؟!! ، امال انا اجوزتك ليه ها ليه 

_اجوزتك عادي زي ما كل الناس بتتجوز 

_وانا مش عايزاها الجوازة دي ، أنا قولت لأمي اني هجربك ولو منفعتش خلاص هرجعك لأهلك مع ضمان حسن الاستهلاك

_استهلاك ايه ، هو انتي مأجرة فستان ، يا بنتي انا جوزك دة ايه النصيبة السودة دي 

_بص يا آدم...

_يووه يا ستي انا مسميش آدم

_أمال اسمك ايه 

_انتي كمان مش عارفاني ، اسمي يوسف 

_يوسف! مش بطال كان مجنون ف رواية بس مش مهم .. شوف احنا نعيد الإسكريبت من الاول 

_يعني ايه 

_أقولك طلقني ، تضربني بالقلم ع وشي وتوريني الجانب السئ فيك

_لا ميصحش أضرب واحدة عندها هرشة ف دماغها

_يا سيدي انا بقولك اضرب .. يلا اضرب 

_لا

_اضرب يا جبان 

_لا

_بقولك اضرب 

_قولت لا

_انت شكلك خرع وعايزلك واحدة تمشيك

"ضربها بالقلم ع وشها"

_أه انت بتضربني يا حيوان ، وديني لرفع عليك قضية خلع 

"ضربها مرة تانية"

_بتضربني تاني 

"ضربها مرة تالتة"

_كفاية وشي ورم ربنا ياخدك

_يعني انتي لا عاجبك باد بوي ولا جود بوي انتي عايزة ايه بالظبط

_طلقني

🤣🤣🤣🤣

تعليقات

التنقل السريع