القائمة الرئيسية

الصفحات

رواية امبراطور الصعيد الفصل الثامن والتاسع



دار المجد للقصص والروايات

 رواية امبراطور الصعيد 

الفصل الثامن والتاسع 

 الحلقه الثامنه والتاسع 


#امبراطور الصعيد


يفتح اسر الباب وتعلو الابتسامه المزيفه وجهه شهد

الجد : تمام يا ولدي

اسر: ايوة يا جدي

تزغرط فتحيه بصوت عالي

فتحيه : الف مبروك يا ولدي ومبروك يا بتي

شهد بابتسامه حزينه : الله يبارك فيكي

الجد : يلا يا فتحيه سيبي العرسان لوحدهم وتعالي نشوف فارس

فتحيه : حاضر يا عمي

يغلق اسر الباب

اسر : عرفتي ان كان لازم اعمل اكده انا مجبرتكيش علي حاجه ان عملت اكده عشانك

شهد بغيظ : اومال لو جبرتني كنت عملت ايه

اسر بسخريه : ما انتي عارفه علي العموم جهزي نفسك

شهد : ليه

اسر بغمزة: هنسافر نجضي شهر العسل

شهد : لا واللهي عايز امك تجتلني لو طلعت من اهنه وبعدين الحاجات دي تجليع بتوع البندر ولا عشان انته روحت مصر بجيت ذيهم

اسر  باستفزاز: ايوة بجيت ذي بتوع البندر وعايز اجضي شهر العسل مع مرتي عندك مانع حته لو عندك مانع هخدك غصب اما امي انتي متجوزني مش متجوزة امي

شهد : طب انته هتودينا علي مصر صح

اسر بغضب: انتي مفيش في دماغك غير مصر له مش هتعتبي مصر هنروح شرم الشيخ

شهد  باستغراب:  شرم الشيخ

اسر بخبث: ايوة وتشوفي البنات اذاي واتعلمي يمكن تنفعي

شهد : تجصد ايه

اسر  بخبث: لما نروح هعرفك


تخرج فتحيه والجد من غرفه فارس

فتحيه :الحمد لله فاضل نطمن علي نهال بس اني مش مرتاحه لبت الابنودي دي

ياسين : ليه

فتحيه : انته عارف اني مبحبش العيله دي واسر وفارس وافج ل مكنتش وافجت نهائي رميت بتي الوحيده بيدي  في النار عشان ولادي

ياسين : وده واجته اني عارف بتفكري اذاي

فتحيه :مبحبش البدل انته عارف ان وراها مشاكل كتير لو حاتم زعل نهال مش هتحمل ميراث ولو فارس زعل ميراث حاتم هيعكنن علي بتي وهي يا حبه عيني هبله

ياسين : يا بتي دول لسه عرسان ليه الفال الوحش ده

فتحيه : بهي دي الحجيجه

ياسين : كل حاجه في وجته

فتحيه : برده مبحبش ميراث  هتحملها بس عشان بتي


وفي غرفه فارس

كانت ميراث خجله من فارس

ميراث بخجل : انزل احضرلك الفطار

فارس : له خليكي ارتاحي انتي هما لما يجهزوا هينادوا علينا

ميراث : طيب

يسكت الاثنان

فارس في خاطره افتح معاها كلام اذاي اتكلم دي مرتك يا غبي

فارس: بصي يا ميراث اني هحترمك وهشيلك فوج راسي بس عندي طلب منك

ميراث: جول

فارس: عايزك تكسبي امي وجدي ومتزعليش من كلامهم هتلاجي امي بتحدت مع شهد ومتعصبه منها متتدخليش بينهم خليكي في حالك هما اكده دايما امي جلبه طيب بس مبتحبش حد يعاندها اي مشكله اهنه متدخليش فيه عشان متجلبش عليكي ولو امي عصبت عليكي استحمليها ومترديش ولا تعندي جصدها هي هتأخد وجت لحد اما تتعود عليكي

ميراث بابتسامه : حاضر بس سؤال

فارس: اتفضلي

ميراث: ليه مش عايزني ادخل بين شهد وامك

فارس: عشان هما الاتنين نجر ونجير دايما بس امي بتعتبر شهد بنتها انتي لو جولتي حاجه عن شهد لامي امي هتأكلك لانها هي الي مربيه شهد غير ان انتي عارفه الي حصل من زمان بين ابوكي الله يرحمه وعمي الله يرحمه

ميراث بحزن : الله يرحمهم

فارس بابتسامه حنونه : انا عارف انك ملكيش ذنب في الي حصل وانا هشيلك فوج رأسي

ميراث بابتسامه : ان شاء الله ربنا يجدم الي فيه الخير وحاول اكسب الكل متحملش هم

فارس : ان شاء الله

وعند نهال
نهال : يا حاتم اصحا
حاتم بنعاس : كمان خمسه
نهال : هو مين الي المفروض يصحي التاني
حاتم : يا بت المخروبه سيبني خمسه
نهال  بعصبيه: انته بتشتم ليه دلوجت اني غلطانه اني بصحيك كنت بتخيل انك هتبجا ذي المسلسلات وتصحني وانته بتلعب في شعري وتقول صبحيه مبركه
حاتم بسخريه : يخرب بيتك انتي مبتخجليش
نهال بخجل : يعني مش لازم اتعود عليك عشان اعرف اكمل معاك
حاتم : تتعودي اه بعدين
نهال بعصبيه : انته بتعملني كده ليه هو انا جولت حاجه غلط متزعلش مش هكلمك تاني
تنهض من مكانها والدموع تنهمر من عيناها
حاتم في خاطرها هي ماله دي انا مبعرفش اتعامل مع حريم
ينهض من مكانه ويدلف الي الحمام يأخد دوش ويلبس هدومه ويطلع يلاقيها لسه بتعيط
حاتم : انتي يا مجنونه انتي لسه بتعيطي
نهال : اني مش مجنونه ومتحدت وياي تاني اني مخصماك
يقف مذهول من كلامها فتلك اول مرة تكلمه فتاه هكذا
حاتم بضحكه : متزعليش يا صغيره
نهال😱 : اني مش صغيره عندي20سنه وتجولي صغيره
حاتم : ما انتي كلامك ذي العيال الي عندهم ٦سنين
نهال😒: انته بتزود البله طين
يضع يده في شعره هروب من الاجابه فهو لا يعرف كيف يتعمل مع فتاه
حاتم بحده : انتي بتجولي ايه لمي لسانك معايا
نهال باستغراب: ما انته كنت كويس دلوجتي
حاتم بحده : انتي بتتكلمي ذي العيال وبتعملني كاني عيل معاكي
نهال بحزن : اني اسفه مش هكلمك تاني
حاتم : احسن مش عايز اتحدت وياكي يا بت النجعاوي

وفي سرايا النجعاوي
تنزل شهد وتتدخل للمطبخ
فتحيه : يا مري منك بتعملي ايه اهنه
شهد : هحضر الفطار
فتحيه : لها متعتبيش تحت لحد اما الشهر الجديد يبدأ
شهد : ليه
فتحيه : اكده العوايد
شهد : يعني هبجا ٣ ايام محبوسه فوج
فتحيه : ايوة ولو حد جه يسلم عليكم اجعدي في المنضدرة فوج انما تنزلي له
شهد بزفرة: حاضر
فتحيه : واتغذي شويه بدل وشك ما بجا اصفر اكده
شهد : مليش نفس
فتحيه : له تاكلي وي جوزك كل حاجه خدي الفطار واكلي جوزك واياك اسمع انه مكلش وله عكننتي عليه الواد لسه عريس
شهد بسخريه : ابنك يعكنن علي ١٠٠ذي ده ميتوصاش
فتحيه : يعكنن عليكي برحته اطلعي
شهد بزفرة : بتحدت وياه نفسي

وفي غرفه رحيم
نسمه : هتسافر يا ولدي
رحيم : ايوة يا امه
نسمه : خليك شويه
رحيم : مليش نفس ابجا اهنه ليه
نسمه: عشاني وعشان اختك
رحيم : انتي مع اهلك يا امه محدش يجدر يكلمك انما اني عندي شغلي وحياتي في مصر مش اهنه
نسمه : انته زعلان عشان شهد اتجوزت
رحيم: له يا امه مدام هي اتجوزت الي مردهوش علي اختي مردهوش علي حد واني مرداش ان حد يفكر في اختي وهي متجوزة بيبجا حرام شهد من النهرده ذي اختي هي اتعذبت كتير في حياته ابوه وبعدين امه ربنا يعوضها خير بس لو اسر زعلها اني هجف في وشه
نسمه : عين العجل يا ولدي ربنا يبارك فيك

كانت شهد تصعد وهي تحمل الصينيه
ميراث: صباح الخير يا شهد
شهد : صباح النور
ميراث: اني ميراث
شهد: عارفه انك انتي ميراث عايزة حاجه
ميراث: عايزة اجولك ننسا الي فات شهد بغضب: انسا الي فات انسا الي ابوكي حرمني من ابويا وبسبب اكده اتحرمت من امي وبقيت لوحدي هتجولي ابوي مات اني كمان ومين كان السبب مش هو الي بدأ وحرمني من ابوي وبسبب التار اتجوزت اسر  تنزل دموعها انا مشفتش يوم عدل من بعد اما ابوي مات طب انتي احسن مني انك عندك اخوكي حنين مش ابن عمك الي يتحكم فيكي ويحرمك من امك
ميراث  : اني عارفه انك ٠٠
فتحيه بغضب: شهد روحي عند جوزك وانتي يا ميراث تعالي
ميراث : حاضر يا امه

تصل شهد للغرفه وتضع الفطار وتنهار من البكاء
اسر بقلق: مالك
شهد : ليه عملت اكده جبت بت الي جتل ابوي اهنه
اسر: عشان التار يخلص
شهد : عشان التار يخلص تلعب بينا كلنا حرام عليك عملت فيك ايه عشان تحسسني بضعفي وحرماني من ابوي وامي
اسر بغضب: بتجولي ايه ذي ما ابوها جتل عمي احنا جتلنا ابوها يعني ذي ما صعب عليكي صعب عليها
تمسح شهد دموعها
شهد : معك حج وبسبب انك اخدت التار بجيت مرتك انته مبتعملش حاجه غير عشان مصحلتك بس
اسر بغضب: اتلمي وتعدلي بدل ما المك وعدي النهرده علي خير بدل ما وريكي وش عمرك ما شوفتيه
شهد :  هتعمل ايه اكتر من الي عملته
يمسكها من ذراعها ويلويه خلف ظهرها ويجذبها اليه
اسر بغضب: جولتلك هوريكي الامبراطور
شهد بتألم : دراعي بيوجعني
اسر : عشان تحرمي تطولي لسانك اني مش عايز امد يدي عليكي عشان مكسرش دماغك ولا عايز اعمل حاجه اخسرك بيه فا اتلمي احسنلك وبعدين نزله اكده
شهد : اذاي يعني
اسر بغيره: لبساها عبايه مجسمه تفاصيل جسمك في رجاله غيري في البيت البس الضيج ممنوع ممنوع حاجه تفصل جسمك تلبسي الوان الفاتح عشان متلفتيش حد ليكي الطرحه تغطي لحد صدرك
وتكون طويله بدل الهبل الي لبساها ده تلبسي الي عايزها في الاوضه بره لا
شهد بتوجعني سبني بجا
ينظر اسر الي  وجهها وشفتاها ويبلع ريقه
اسر : مشبعتش منها
ليحملها الي السرير
وتغلق الستار علي الكلام الغير مباح

وفي الاسفل
فتحيه : مش عايزكي تكلمي شهد
ميراث : ليه
فتحيه : اكده خدي الفطور وروحي لجوزك ومتساليش كتير

وفي قسم الشرطه
رائد  بشر: طلعت واللهي لوريكم يا ولاد النجعاوي انتوا وحاتم الابنودي اني تعملوا فيا اكده طيب اما دفعتكم التمن غالي جوي جوي

وعند حاتم يدخل الغرفه ليجد  هدوء في الغرفه ويجد نهال نائمه
حاتم : هي زعلت ونامت ولا ايه
ليقترب منها ويلعب في شعرها
حاتم باستغراب: مش كنتي عايزة اكده مبتصحيش ليه  نهال يا نهال
حاتم بقلق: نهال
يمسك حاتم بيدها
حاتم بخضه  : مستحيل نهاااال
توقعاتكم ؟

الحلقه التاسعه
#امبراطور الصعيد

الي بيطلب بحلقتين يا جماعه انا طالبه في الكليه لسه وكليه نصها عملي ونص نظري يعني مجهودي كله بيخلص غير الرجوع بيبقا متأخر استحملوني لحد اما تخلص😊

حاتم بخضه وقلق: مستحيل نهااااال
نهال : صوتك عالي جوي جوي صحتني من نومي
حاتم  بحده: كنتي نايمه نامي نامت عليكي حيطه
نهال بخبث: اومال فكرت اني انتحرت عشان جنابك مش عايز تكلمني اهو انته الي جيت كلمتني
حاتم : فكرتك خلصت روحك وخلصت منك يا بعيده
نهال : الله يسامحك علي ايه عايز روحي تخلص دا اني هعيش وياك مش هكلفك غير الاكل بس ولو مش عايز توكلني معاك مش مشكله هأكل لوحدي وانته لوحدك
حاتم باستغراب: اكل انتي مجنونه يا بت انتي
نهال ؛ الله مش انته الي جولت مش عايز تكلمني واكيد مش هتأكلني معاك
يضع يده علي راسه
حاتم بتنهيده : صبرني يارب
نهال بخبث : هو اني جولت حاجه
حاتم: بوريه منك بوريه اومال لو جولتي بجا هتجولي ايه
نهال ببرائه: اني غلبانه
حاتم بابتسامه : بهو واضح انك غلبانه

وفي صباح يوم مشرق
اسر : جومي جهزي الشنط
شهد : مش هاجي وياك روح لوحدك
اسر بسخريه : هو في شهر العسل من غير عروسه
شهد: روح اتجوز
اسر : منا متجوز اومال انتي ايه
ثم يضيف بخبث لو جيتي معايا شرم هوديكي مصر جريب
شهد بلهفه : بتتكلم بجد
اسر: انا كدبت عليكي جبل اكده
شهد : لا
اسر :بس تنفذي الي عايزة وتجولي حاضر وطيب
شهد :موافجه
اسر :طب جهزي الشنط لحد اما كلمهم تحت
شهد : بس اوعدني الاول
اسر: وعد

ينزل اسر لاسفل
فتحيه : عايز تخدها وتروح
اسر: دي فسحه بس
فتحيه : طيب اهم حاجه متتأخروش
اسر: ان شاء الله

اما فارس
ميراث بفرح : دي ليا
فارس بابتسامه : ايوة عجبتك
ميراث: حلوة جوي جوي جوي
فارس بابتسامه : هتبجا حلوة عليكي
ميراث : استنا هجربه وتشوف بنفسك
فارس: مستنيكي
يرن هاتف فارس معلن وصول رساله جديده ومضنون الرساله هو هجتلك
فارس باستغراب : مين ده
تحضر ميراث وهي ترتدي الفستان وكان فارس شارد الذهن
ميراث : شوف اكده فارس فارس
فارس : ها لينظر لها ويسرح في جمالها ٠٠حلوة جوي
ميراث بخجل: شكرا
فارس بغمزه : لسه خجلنه مني
ميراث بخجل : اكيد

وفي مكان اخر
رائد بغل: يعني اتجوزت
ممدوح : ايوة يا خوي
رائد : واسر اتجوز ودخلني السجن
ممدوح : ايوة
رائد  بشر؛مش هخليهم يتهنوا بس يستنوا عليا بس اعرفلي كل حاجه عن مرات اسر

يسافر اسر وشهد الي شرم الشيخ ويصلوا الي الفندق
كانت شهد متعجبه من المنظر
شهد : جميل جوي
اسر بحنان : عجبك
شهد : ايوة
الاستعلام : اتفضل يا فندم ده مفتاح الاوضه الي حضرتك عايزها
اسر: طيب شكرا
يصعد اسر وشهد الي الطابق العلوي
ويضع اسر يده علي عين شهد
شهد بخضه : في ايه
اسر : استني لما تدخلي ابجي فتحي
يفتح اسر الباب ويبعد يده عن عين شهد
لتفأجا بالمنظر
قلوب علي الارض والبلونات ومكتوب علي الشاشه جواز سعيد اسر وشهد وقلب كبير من الورود علي السرير وعشا رومانسي علي الشموع
اسر: ايه رأيك بجا
شهد : كل ده عشاني
اسر بابتسامه : هو اني متجوز غيرك
شهد : له بس ده كتير جوي واني وانته
يضع اسر يده علي فمها
اسر بحنان : متتكلميش علي حاجه حصلت جبل اكده احنا مش في الصعيد دلوجتي
شهد : انته بتجول ايه
اسر: بجول الي هتعمليه انسي اي حاجه حصلت بينا جبل اكده ونعيش يومين حلوين اهنه
شهد في خاطرها وبعدين معاك يا اسر مش هتجيبها البر معايا اوقعك اذاي بس مش هخسر جدامك والعند معاك مش هينفع لازم انتقم منك بطريقه تانيه حته لو عملت اني بحبك
اسر: جولتي ايه
شهد بابتسامه : حاضر بس عايزة شكولاته كتير وايس كريم وتفرجني علي شرم حته حته
اسر: عنيا ليكي بتجيبي حاجه من الفراوله
شهد باستغراب: فراوله ايه
اسر بخبث: هعرفك الفراوله فين

وفي بيت حاتم الابنودي
حاتم : المهفوفه دي راحت فين
راجي : مالك يا بيه بدور علي مين
حاتم بحده : وانته مالك خليك في شغلك
راجي: حاضر
كان حاتم سيصعد الي فوق لكن يسمع صوت غناء قادم من المطبخ ليجد نفسه يبتسم ويتجه الي المطبخ
ليضع يدها علي الباب
حاتم : بتعملي ايه يا مهفوفه
نهال بخضه : خضتني
حاتم : وانتي بتتخضي ذي الناس
نهال : له ذي العفريت
حاتم : وهي العفريت بتتخض ولا بتخض
نهال : مزاجك رايج يارب دايما
حاتم : بتعملي ايه
نهال :فشار تأكل
حاتم : فشار؟؟
نهال : ايوة واجعد اسمع فيلم بس مستغرب كده ليه
حاتم : اصل مأكلتش المفشر ده من زمان جوي
نهال بابتسامه : تأكل معايا وتسمع معايا فيلم
حاتم بحده : مش فاضي
نهال 😏: عنك هأكل لوحدي مش هموت لو مكلتش معايا يعني
حاتم 😒: بالعند فيكي هأكل وياكي
نهال 😀: وهتسمع الفيلم
يضع يده ليلعب شعره فهو خجل من ان يقول لها موافق
تخرج نهال من جانب حاتم لكنها يسبقها بخطوه سريعه ويقف امامها معطيها ظهره
حاتم : موافج
اتسعت عيناها من الكلمه وابتسامه ابتسامه نصر
نهال 😏: شطورة يا حتومتي
حاتم : مهفوفه
تشغل نهال فيلم ويجلس حاتم بجانبها وتعطيه طبق فشار
كانت تسمع الفيلم بتركيز اما هو فكان ينظر لها
حاتم في خاطره مش عارف انتي جيتلي منين يا بت النجعاوي ولا انتي هبله ومهفوفه ولا بتوجعيني فيكي بس اني مرتحلك جوي بس مينفعش احبك عشان انتي بت الي جتلوا ابوي ولو حبيتك يبجا خنت ابوي بس اني مش عايز اذيكي يا نهال
تقاطع شروده صوتها
نهال : مش عجبك الفشار اوكلك بيدي
حاتم بحده : انا مش صغير
نهال : طب اني صغيره اكلني بيدك
حاتم باستغراب: اوكلك
نهال : ايوة
حاتم بحده : عندك ايدين ورجلين اكلي نفسك
نهال بحزن: طيب
ينهض حاتم من مكانه
حاتم : انا رايح الشغل مش فاضي للعب العيال
نهال : لعب عيال وفي خاطرها بتهرب يا ابن الابنودي بس اني وراك وراك نهال معندهاش يأس

وفي سرايا النجعاوي
ميراث: مرت عمي احط دي فين
فتحيه : حطيها هناك اهنه معندكيش عجل مش عارفه هتحطي دي فين
ميراث بحزن: عارفه بس كنت بتأكد
فتحيه : وعرفتي روحي حطيها
ميراث: حاضر
تذهب ميراث للمطبخ
فتحيه : في خاطرها البت دي مسهوكه وهاديه اوي يا مري والتانيه مدب وهبله ربنا وعدني ب اتنين هيوجعولي جلبي
ياسين : بجولك ايه يا فتحيه
فتحيه : جول يا عمي
ياسين : اسر جدم لشهد الكليه اهنه يعني هتكمل عادي
فتحيه : عارفه يا عمي
ياسين : مش ده المهموم
فتحيه باستغراب: اومال ايه
ياسين : انتي عارفه ان اسر بيعشج شهد
فتحيه : ايوة عارفه من زمان
ياسين : وعارفه طبع ولدك كويس جوي
فتحيه : ايوة طبع طين وهباب بس هيبجا حجه يا عمي
ياسين : بس شهد مش هتستحمل طريجته اكده
فتحيه _: بس هو مش هيسمع من حد
ياسين :  لازم يسمع عشان انتي خابره زين ان طريجته وياها غلط
فتحيه : راجل ومرته مليش دخل لو ادخلنا هيبجا اجوي
فارس: سلام عليكم
فتحيه ؛وعليكم السلام يا ولدي احضرلك الغد
فارس : يا ريت بس الاول عايز جدي في موضوع
ياسين : خير يا ولدي
فارس: في المكتب يا جدي
يدخل ياسين مع فارس
ياسين بغضب: بتجول ايه
فارس: ده الي حصل
ياسين : اني هتصرف مش هسمح لحد يجرب من بت ولدي

وفي شرم الشيخ
كانت شهد نائمه علي صدر اسر العاري ويلعب اسر في شعرها حتي يرن هاتف اسر ويغلق الهاتف تستيقظ شهد
شهد: جفلت ليه
اسر بابتسامه : مش عايز حد يزعجنا
شهد : وافرض اتصال مهم
اسر : يولع بجاز اهم حاجه انتي
جومي البسي عشان نتمشا علي البحر
شهد بانتباه : وهننزل الميه
اسر : لو المكان فاضي ومفيهوش حد اما لو فيه له
شهد بتصنع الحزن : ليه
اسر : عشان بغير
شهد : اذاي يعني ما انته معايا
اسر: بس مش بجدر امنع انهم يشوفوكي لما تتبلي بالميه جدام حد الهدوم هتلزج في جسمك واني مش هتحمل حد يشوفك اكده غيري
شهد: بس الكل بينزل عادي
اسر : بس انتي خط احمر
شهد بزفرة: غيور
اسر: جوي جوي جومي البسي يله
شهد :  طيب
وبعد شويه عند البحر تجلس شهد مع اسر واحضر لها ايس كريم
اسر: عايزة حاجه تانيه
شهد : شكولاته
اسر : حاضر دقيقه وراجع متتحركيش
شهد بخبث : حاضر روح واني مش همشي
يذهب اسر ويرجع ولا يجد شهد
اسر بخضه : ششششهد
يبحث عنها في كل مكان كالمجنون ولا يجدها
اسر بغضب: يا بت ###
توقعاتكم؟


تعليقات

التنقل السريع