القائمة الرئيسية

الصفحات

رواية المدمنه الفصل الرابع والخامس والسادس





حصريآ علي

 دار المجد للقصص والرويات  

الكاتبه دودا حودا 

رواية المدمنه

 الرابعه والخامسه والسادسه

المدمنه

الحلقه الرابعه

بقلم دوداا حوده

راحت المستشفي وكانت دماغها مفتوحه والكل راح علي هناك

وفاء :هو اي اللي حصل وليه كنتي بتزعقي معاها

هاله :وفاء والنبي مش وقتك الله يخليكي انا خايفه تقول عادل علي اني مدمنه هروين

وفاء :انتي مافيش فايده فيكي والله بعد كل ده برضه خايفه علي نفسك مش همك البت اللي جوا دي

هاله :هيجري ليها اي بس هتقوم منها دي خبطه بسيطه بس هي علشان ضعيفه وقعت الله حراق قلبي خوف عادل عليها

وفاء :والله ما هتتغيري اوعي كده يا شيخه لما ادخل اطمن عليها ودخلت وفاء

الدكتور :بس خالص بسيطه بس اي اللي عمل فيكي كده

مني :كنت بروق اتزحلقت علي السيراميك غصب عني وقعت

وفاء وعادل استغربوا من كلام مني بس سكتوا وخرج الدكتور

عادل :انتي شخصيه محترمه اوي والله يامني

مني :اه دماغي وجعاني اوي

هاني :معلش الف سلامه عليكي هتنزل نروح دلوقتي وهجيب ليكي العلاج اللي الدكتور كاتبه تخدي منه وباذن الله تكوني بخير

مني :انشاله ودخلت هاله وكانت خايفه مني تكون قالت لحد علي اللي حصل

هاله :الف سلامه عليكي يا مني انا اسفه بجد مكنتش اقصد هزاري كان تقيل شويه معلش

مني :مافيش حاجه يا هاله انا كويسه

هاني :طيب يلا علشان اوصلك

هاله :لا توصلها فين انا هاخدها في عربيتي علشان عايزه اتكلم معاها شويه واصلحها يعني

عادل:تمام وانا هنزل اجيب العلاج عقبال ما تنزلوا

هاله :عيب كده والله هات الروشته انا هجيبه

عادل :لا معلش انا هجببه بعد اذنكم ونزل هاني ونزلت وفاء وهاله ومني وادها العلاج

عادل :عايزه حاجه تانيه يا مني

هاله :كتر خيرك ميرسي

عادل :هبقي اجي بكره اطمن عليكي ومشي هاني وركبت مني معاهم العربيه

هاله :مني بقولك اي دور اللي انتي عايشه فيه ده مش هيجي معايا سكه حياتي الشخصيه ملكيش دعوه بيها ولا من قريب ولا من بعيد

مني :انتي حره يا هاله وانا اتعود اني مخدتش فلوس من حد بس للاسف علمت كده لا وصرفتها كمان انا هتشغل معاكي الشهر ده بالفلوس اللي خدتها ومليش دعوه بحياتك خالص وانتي حره فيها

وفاء :لا طبعا يا مني لو عايزه تمشي مافيش الكلام ده امشي فلوس اي اللي بتتكلمي فيها

هاله :وانتي مالك يا وفاء دي حاجه مش تخصك خالص

وفاء :هاله انا دفعلك الفلوس

مني :وانا مش عايزه كده وراحوا الشاليه ونامت مني لأنها كانت تعبانه اوي

وفاء :مالك يا هاله فيكي اي

هاله :هموت والله يا وفاء انا بحب عادل اوي ونظرته للبت دي مش مريحاني خالص

وفاء :انتي لازم تتغيري لو عايزه عادل بجد انسان مختلف وعايز وحده تكون شابه

هاله :لو بتحبني قولي اعمل اي

وفاء :مش عارفه بس اسلوبك كله لازم يتغير انتي من جواكي انسانه كويسه والله بس مش عارفه ليه مصممه تبقي كده

هاله :يعني اي ابقي كده دي

وفاء :مافيش انتي هتطلعي فيا انا خالص خليني ساكته

هاله :يبقي احسن وتاني يوم وفاء وهاله كانو نايمين والباب خبط فتحت مني كان عادل

عادل :صباح الخير

مني :صباح النور حضرتك أنسه هاله لسه نايمه

عادل :انا جاي اطمن عليكي انتي

مني انا الحمد لله بخير بجد شكرا لتعبك معايا اوي امبارح

عادل :شكر اي انتي تستهلي كل خير اتفضلي

مني :الورد ده علشاني

عادل :اه والكرت اللي فيه ده في رقمي طلما انتي مش عايزه تديني رقمك وصحيت هاله وخرجت لقت عادل ومني وافقين

هاله :عادل صباح الخير الله اي الورد الجميل ده وخدته من ايد مني

عادل: صباح الخير وخد منها الورد وادا لمني معلش يا هاله الورد ده لمني

هاله : لمني اه اه علشان مني مهي تعبانه

عادل : طيب انا ماشي عايزين حاجه

هاله :اه احنا خارجين بليل جاي معانا ولا اي

عادل :هشوف وهخلي هاني يكلمك

هاله :اه صحيح انت مش معاك رقمي هات تلفونك وخدت الموبيل منه وكتبت رقمها ورنت نفسها هسجل رقمك ومشي هاني جدا وخلصت مني شغل البيت كله وطلبت منهم أنها تتمشي شويه عالبحر ووافقت هاله ومشيت مني وقعدت عالبحر وشويه سمعت صوت جنبها

عادل :يااااااه المنظر جميل اوي

مني : استاذ عادل

عادل :انتي قديمه اوي ليه كده اي استاذ دي

مني :امال اقول لحضرتك اي مش فاهمه

عادل :قولي عادل زي ما بقول باسمك

مني :انا عايزه اقولك حاجه بس ياريت مش تزعل مني

عادل :سمعك وعمري ما ازعل منك خير

مني :انا مختلفه شويه مش زي هاله ووفاء هما محترمين جدا مقولتش حاجه بس انا بحب اكون لوحدي شويه

عادل :زي بالظبط بحب اقعد مع الناس واتعرف عليهم واحب اكون عشري اوي

مني : هههههههههههه

عادل :اقسم بالله ضحكتك حلوه اوي

مني :اتكسفت وبصت في الارض

عادل :تعرفي يامني من يوم ما خطبتي ماتت الله يرحمها وانا كانت الدنيا كلها بقت سودا في وشي ومش عارف بقيت احب الدنيا من يوم ما شوفتك يا مني مع انك مش شباها

مني :ممكن اعرف هي ماتت ازاي لو مش هتضايق

عادل :في حادثه مع مامتها وهما كانوا نازلين يجيبوا فستان الفرح

مني :ربنا يرحمها ويصبرك يارب

عادل :ربنا يخليكي يا مني وانتي

مني : انا اي مش فاهمه

عادل : عمرك ما حبيتي

مني :لا مش عارفه حاسه اني مليش في الجو ده

عادل :لا قلبك لسه مضقش بس

مني :يمكن وشافت مني بنوته صغيره وقعت قامت عليها جري وكان فونها جنبها مسك هاني الموبيل وكان بيشوف صوره الخلفيه والتلفون رن فتح غصب عنه

عادل:الو ايوه انا اسف والله ثواني مني جايه

وجت مني انا اسف فتحت غصب عني ومشي بعيد شويه

مني :الو ايوه مين

شروق :مين ماشي يا ستي انا شروق مين ده ياهانم وماسك موبيلك ليه

مني ؛متفتهمش غلط والله

شروق :غلط ولا صح بقي المهم موز يا بت ولا اي صوته بيقول أنه موز اوي

مني :بس اخرسي انتي فاهمه غلط

شروق :غلط ولا صح بقي عارفه لو مش بعتي صورته دلوقتي هعمل فيكي اي هقول لعمتك

مني ؛ بطلي جنان صوره مين

شروق :موبيلك فيه نت وايميلي مفتوح وانا عملت ايميل جديد هبعتلك صداقه وشوف صوته حلا

مني :شروق متهزريش مش هيحصل

شروق :انتي حره بقي قولت اللي عندي

مني ؛اصوره بمناسبه اي يعني

شروق :وهو مش واخد باله عايزه اشوف شكله قفلت السكه وصورته فعلا وبعتت الصوره

شروق اتصلت تاني : يابنت الايه اي القمر ده ده موز بجد

مني :والله لما اجي هحكيلك مافيش حاجه بينا

شروق :عقبال ما تيجي هيكون فيه وقفلت السكه وسابت هاني وراحت الشاليه ولقت هاله ووفاء الاتنين مغم عليهم فضلت تفوق فيهم مش عرفت اتصلت بي عادل

مني :الو ايوه يا عادل

عادل :مين معايا

مني :انا مني

عادل 'اخيرا اتصلتي بيا ورقمك عندي

مني 'مش وقته ممكن تيجي الشاليه حالا

يتبع


_____________________


المدمنه

الحلقه الخامسه

بقلم دوداا حوده

عادل راح لقاه مني عامله تعيط وطبعا كانت شالت الهيروين

عادل :اي اللي حصل

مني :ساعدني والنبي نفوقهم

عادل :لازم ناخدهم علي المستشفي

مني :لا والنبي بلاش ساعديني بس نفوقهم الاول

عادل :اشمعنا لا ليه

مني :الله يخليك هتسعدني ولا هتمشي وفعلا فضلوا وراهم لحد ما فاقوا

وفاء :انا فين فيه اي اللي حصل

مني :مافيش شكلكم دختوا من قله الاكل

وفاء :اكل اكل ايه ده هاله قومي يا هاله عادل انت جيت هنا ازاي

عادل :مني اتصلت بيا علشان انتم كنتوا تعبانين وهي مرتضيش ترحوا مستشفي

هاله :فاقت بس كانت ساكته خالص مش بتتكلم

عادل :هاله هو انتي كويسه

هاله :ايوه بعد اذنك عايزه ارتاح

عادل :تمام ابقي كلمني يا مني عايزك

ومشي عادل وطبعا هاله كانت متنرفزه اوي

هاله :ممكن افهم اي اللي عملتي ده

مني :عملت اي مش فاهمه انا لقيتك تعبانه معرفتش اتصرف لوحدي اتصلت ب عادل ولما قالي اوديكم مستشفي انا رفض فعلا كنت خايفه عليكي

هاله : هههههههههههه والمفروض أنا اصدق بقي كلامك ده بوصي يا حلوه اللعبه دي مش هتجيب نتيجه عادل عمره ما هيفكر فيكي انتي مين انتي عالشان واخد زي ده

مني :هاله انا مش هيستحمل كلمه منك تانيه لو سمحت احفظي ادبك معايا

هاله : لما تتكلمي معايا وشك يبقي في الارض يا حته خدامه وضربت مني بالقلم

وفاء 'هاله انتي بتعملي اي انتي اتجننتي مني جريت برا الشاليه وهي عامله تعيط وراحت قدام البحر

عادل :مالك يا مني

مني :لو سمحت يا استاذ عادل ابعد عني انا مش عايزه اي كلام معايا تاني

عادل :مش عارف انتي مش فاهمه انتي عملتي فيا اي والله بجد بحاول اكون عادل الإنسان العاقل بس قدامك بحس اني عيل عندي ١٦سنه مراهق بجد انا مش عارف بقول الكلام ده ازاي بس انا بحبك والله

مني :انت بتقول اي

عادل :والله زي ما سمعني واتمني انك توافقي اني اتقدم ليكي

مني :انا من اسره بسيطه اوي ومليش. يقفلي

عادل :مش عايز اسمع حاجه انا بحبك وراضي باي حاجه بس نكون سوا وفي الشاليه

وفاء :بجد يا هاله انتي اتجننتي

هاله :بقولك اي دي بت شيطان مش لقايه غير عادل وتعمل حركتها دي وهي عارفه اني بحبه

وفاء :لا هي متعرفش وبعدين انا عارفه مني لو فيه حاجه تبقي من عادل مش منها

هاله :انا كرهت البت دي بصراحه ومش طيقاها وهعرف أن كان فيه حاجه بينها وبين عادل ولا لا

وفاء :شكلك ناويه عالشر ومشيت مني وهي فرحانه من كلام عادل والموبيل رن شروق

مني :ايوه يا اختي وحبيبتي وصاحبتي

شروق :سيدي يا سيدي اي اللي مخليكي مبسوطه كده

مني :قالي بحبك والله العظيم قالي بحبك

شروق ؛مين الواد المز اوبااااااا

مني 'مز بس ده مز وعسل ومافيش منه اتنين تخيلي عايز يتجوزني

شروق :بت يا مني هو ملوش اخ شبه كده

مني :تصدقي معرفش

شروق :لااااااا يا اما تشوفيلي موز زيه يا اما هخربلك الموضوع

مني : هههههههههههه وههون عليكي

شروق :لا والله ياقلبي بهزر ربنا يسعدك يمكن ده اللي يعوضك اللي شوفتي في حياتك

مني :يارب ياشروق انا قلبي اتعلق بيه اوي والله وقفلت السكه لقت حد بيحط الطرحه علي كتفها

مني :مين عادل انت واقف ورايا من امتي

عادل :من ساعت ما عرفت اني واد موز اوي مني اتكسفت وطلعت جريت علي الشاليه

مني :انا الصبح باذن الله همشي

هاله :تمشي فين يا عبيطه حد يزعل من اخته برضه

مني :دلوقتي بقيت اختك

هاله :انا خايفه عليكي عادل ده بتاع بنات وبيفضل وراهم لحد ما ياخد منهم اللي هو عايزه

مني :انتي كدابه

هاله : هههههههههههه عادي ثواني واتصلت ب هاني

هاله :الو ايوه يا هاني

هاني : معاكي يا هاله في اي

هاله :بقولك اي حاول تقول لصحبك عادل يبعد عن مني دي برضه صحبتي

هاني :هو انتي مش عارفه عادل كلها يومين وهيبقي جيباها سكه وهي لو بنت شمال هتيجي معاه سبيها ادينا بنتسلي شويه

هاله :لا طبعا انا هقول ليها

هاني :عادل زكي اوي وهيطلعك كدابه اخرجي من الحوار احسن بدل ما شكلك يبقي وحش

مني :انا عايزه ارجع مصر دلوقتي لوسمحت

هاله :عيني اطلعي امي الشنط وطلعت مني

وفاء :انتي ده انتي مش سهله

هاله : هههههههههههه معاش ولا كان اللي ياخد حاجه بتاعت هاله اطلعي يلا خلينا نمشي وإياك تتكلمي معاها في حاجه ووصلوا مصر

هاله :ها حد طالع معايا

وفاء :لا انا هروح

مني :انا كمان عايزه اروح

هاله :مني متزعلينش اني قولتك الحقيقه انا خايفه عليكي

مني :ماشي

هاله :هستناكي بكره

مني :باذن الله ونزلت مني ووفاء وكانت مني صعبانه علي وفاء اوي

وفاء :بقولك اي هاله كدابه وكانت متفقه معاه هاني في كل كلمه قالها

مني :والله قلبي كان حاسس

وفاء :هو بيحبك

مني :ايوه

وفاء :وانتي

مني ؛مش عارفه بس مرتاحه

وفاء :خالص خلي يجي يقابل عمتك

مني :تفتكري هيوافقه

وفاء :ايوه بس اوعي تقولي كلمه لهاله ولا هو يقول لهاني دلوقتي

مني :انا بحبك اوي والله

وفاء :وانا كمان

مني :طيب ما تبطلي بالله عليكي اللي بتمشي ده

وفاء :هبطل والله بس شويه ومشيت مني وروحت البيت وفضلت تحكي لشروق عن عادل وعادل كلمها وزعل اوي انها نزلت مصر من غير ما تعرفوا وحددوا يوم يجي يتقدم فيه

عمتها :اكيد عريس عره زيها

جوزها :واحنا ملنا خليكي محضر خير وجه عادل ومامته وطبعا انصدمت عمت مني لما شافت العريس لا والعربيه اللي جاي بيها ودخلت الاوضه

عمتها :اقعدي هنا مافيش خروج الا بعد الاتفاق

مني :ازاي مش لازم مامته تشوفني

عمتها :انا قولت كلمه ولا احلف ما انا هقعد في القعده

شروق :ماما عدي اليوم الله يخليكي

الام :طيب قومي يا محروسه خرجي الساقع

شروق :حاضر

الام :رايحه فين

شروق :خارجه

الام :زي الشحاتين كده اللبسي حاجه عدله

شروق :ماما عجبك كده هخرج مش عجبك هقعد ها قولتي اي

الام :منك لله اخرجي وخرجت قاعدته معاهم

عمت مني : بس انت ناوي تكمل كورس العلاج بتاعها بعد الجواز

ام عادل :كورس اي

عمت مني :اصل مني مريضه بالسرقه وانا بعلاجها طبعا دي زي بنتي

عادل :حضرتك بتقولي اي ودخلت شروق بالصنيه ولما سمعت كده وقعت منها

ام عادل :وكمان مش عارفه تشيلي صنيه

ام شروق :لا دي بنتي بس اكمنها حساسه اوي واكيد زعلت اني عرفتكم الموضوع اصل بنتي مش بتكره حد ابدا

ام عادل :تعالي يا حبيبتي جمبي هنا

يتبع


_________________________


المدمنه

الحلقه السادسه

بقلم دوداا حوده

شروق :اجي فين يا طنط مش انا العروسه

ام عادل :بس شكلك هادئه وعسوله

شروق :انا اقسم بالله بالعكس ده انا لساني طويل واتمني ابقي ربع مني بنت حلال وطيبه وغلبانه اوي

ام عادل :اه بس مرض السرقه ده صعب اوي

شروق :انتي فهمتي ماما غلط كانت في حاجات بتختفي من البيت وماما افتكرت أن مني وطبعا علشان احنا عارفين مني قد اي محترمه ماما افتكرت أن ده مرض وبعدين با طنط في حاجه اسمها فتره خطوبه واكيد انتي لو عرفتي مني هتغيري اي كلمه سمعتيها عنها مني يا مني تعالي وطبعا أن مني قاعده مخنوقه من تصرف بنتها

مني كانت معيطه لأنها كانت سامعه كلام عمتها وقلبها مكنش وجعها علي الخطوبه قد ما كان قلبها وجعها أن أهلها بيعملوا فيها كده

مني :مساء الخير

ام عادل :مساء الخير

ابو شروق :تعالي يا حبيبتي سلمي

ام شروق : انا مش موافقه علي الجوازه دي عايزنها خدوها دلوقتي

ابو شروق :انتي اتجننتي صح

ام شروق :انا قولت اللي عندي

مني :ليه يا عمتي ده انا بنت اخوكي ليه تعملي فيا كده ليه مصممه تقتلني انا معملتش فيكي حاجه وحشع بالعكس بحبك والله ومعتبراكي مكان امي ليه يوم زي ده تعملي فيا كده انا لو مريضه بالسرقه زي ما قولتي اكيد هكون طالعه ليكي انا عارفه بفلوس ابويا يا عمتي وسكت علشان كنت قاعده في بيتك وباكل من خيرك حرام عليكي والله بجد كنت بتمني اني اقول انا امي مش ماتت ربنا معوضني بعمتي امي التانيه المفروض تفرحي اني خارجه من البيت وهتخلصي مني بس متخرجنيش كده بكسره نفس كنت بتمني اللي اتجوزوا لو جه يوم عليا أقوله لا انت فاكر علشان يتيمه فمليش أهل لا ده انا ليا عمه بيتها مفتوح ليا ليه الساكت دائما فاكرين انو ميعرفش ياخد حقه أنا لو عايزه اخد حقي هاخدو والله بس هاخدو من مين من عمتي اخت ابويا عمرها ما تحصل ومهما يحصل منك جزمتك فوق دماغي لانك انتي اللي مربياني ومعلش يا عادل انا بحبك اه بس بعد اللي حصل ده مش هعرف اتجوزك والله مبسوطه يا عمتي عملتلك اللي انتي عايزه وجايه تمشي مسكتها ام عادل من أيدها

ام عادل :اقسم بالله انتي بنت محترمه وانا هسيبك دلوقتي بس وعهد الله مافي وحده هتكون مرات ابني غيرك ولو ابني جه في يوم وقالك كلمه تجرحك هنسي اني امه والله وهكون امك وفي ظهرك ادخلي ريحي يا حبيبتي وهجيلك تاني ودخلت مني معيطه وبصت ام عادل لام شروق من غير السلام لانك بصراحه مش تستهلي ونزلت

ابو شروق ؛عجبك كده

ام شروق :انتي داخله تنامي في بيتي اقسم بالله ما هتقعدي يوم واحد فيه تاني بعد اللي حصل

شروق :اديها فلوسها وهي تمشي

ام شروق :فلوس فلوس اي هو التربيه اللي رببتها ببلاش وانا كنت بعمل لمين ياختي بقي المعفنه دي تتجوز واحد زي ده وانتي قاعده جمبي

شروق : يا ماما بتقولي اي اي الكلام ده عيب والله

ام شروق :والله ما عيب هتطلع برا

ابو شروق :مش هيحصل والله ولو خرجت من البيت انتي كمان هتخرجي منه

ام شروق :وقدرت تقولها ليه

ابو شروق :عايزه ترمي لحمك وجايه تقولي ليا كده الكلام خلص خالص واتفضلي علي المطبخ بقي اعملي لينا طفح

ام شروق :والله

ابو شروق :والله لو فتحتي بوقك بكلمه تانيه لارمي عليكي اليمين خلصنا يالله برا وبص لمني وضحك

ابو شروق:والله لتتجوزي بالعند في عمتك وهجبلك احلي جهاز لانك مش يتيمه انا ابوكي ودي اختك

ضحكت مني وخرج ابو شروق من الاوضه

شروق :بس الواد موز بصراحه ما تسبي ليا وايديكي ٥٠جنيه

مني : هههههههههههه والله العظيم انا بموت فيكي

شروق :منا عارفه مين يعرفني يابت ومش يحبني

مني : هههههههههههه حبيبتي يا شروق وتلفونها رن

شروق :هو ؟

مني :ايوه مش هعرف ارد

شروق :ردي يابت وخلي عندك ثقه في نفسك ابويا في ظهرك وعرفي أن حماه جامد

مني :الو ايوه يا عادل

عادل :بحبك وعمري ما هسيبك

مني :ده حب ولا عطف

عادل :عطف والله ابدا انا فعلا بحبك وبعدين امي انتي عملتي ليها اي من ساعه ما نزلت وهي بتقول يادي يا بلاش

مني : هههههههههههه ربنا يخليها لينا

عادل :طيب ماتيجي نتغدا برا احنا التلاته

مني :اي دلوقتي

عادل :اه بالله عليكي يلا

مني :طيب هشوف

عادل :قومي بجد يلا

مني :طيب تمام وقامت مني وظبطت السخان علشان تاخد دش

ابو شروق :انتي داخله الحمام

مني :لا بظبته علشان هاخد دش هجيب هدومي

ودخلت الاوضه

شروق كانت بتتكلم في التلفون حاضر حاضر جايه

مني فيه اي

شروق :لازم انزل دلوقتي عايزني في الشغل

مني :دلوقتي ده كنت عايزه تيجي معايا

شروق :بوصي لوجيت اكيد هخطفه منك بجمالي مش شيفاه يابت انا أحلا منك ازاي خليكي جدعه بقي هدخل انا اخد دش لاني لازم انزل بسرعه

مني : هههههههههههه طيب روحي ياختي والشيطان خالا ام شروق تلعب في السخان علشان يحصل حاجه لمني ونزلت تشتري حاجات علشان مبتعرفش أنها هي ودخلت شروق الحمام ولسه بتشغل السخان انفجر في وشها ودخل ابوها ومني وشالوها وجريوا علي المستشفي

يتبع

لو عاوزين الاجزاء التاليه وباقي احداث القصه علقوا بـ 10ملصقات ومتابعه لحسابي



تعليقات

التنقل السريع