القائمة الرئيسية

الصفحات

 فن نشر الغسيل

– الأبيض في الحبل الأولانى.. ليه لحد دلوقتى معرفش.. تقريبا علشان الجيران تعرف أنك بتستعملى مسحوق كويس نضافة.. ريحة.. وتوفير.


2 – القصير قدام والطويل ورا.. علشان كل الغسيل يشوف السبورة.. قصدى يشوف الشمس. 

3 - افردى الغسيل قطعة قطعة جوه البلكونة قبل ما تنشريه وإلا هتلاقى حاجات عجيبة بتقع عند الجيران.

4 – تيشرتات جوزك متشديهاش من الحرفين والا هيجى يلبسها يلاقى طلع لها ودان من الجنبين ويبقى استايل جديد بسببك.

5 – أي شىء له جيوب بيتتنشر بالمقلوب (تنفع مطلع أغنية.. وده علشان الجيب ينشف من جوه كويس). 

6 – أي حاجة قماش مطاطى من أي نوع تتنشر من النص وإلا هتلاقى البادى طوله زاد وبقى جلابيه.

7 – اوعى تطلعى تنشرى وقت الضهر.. هترجعى من البلكونة شبه بكار أبو كف رقيق وصغير.

8 – المشابك الخشب أحسن من البلاستيك.. معرفش ليه، بس أمى قالت كده، متزعلوهاش.

9- تحذير.. لو غسالتك مش بتعصر يبقى مضطرة تتفقدى بلكونات الجيران اللى تحتك؛ لأن لو نقطة ميه جت على غسيلهم هتباتى في القسم وإحنا مش ناقصين مصايب.

10 – لو لقيتى جارتك سبقتك في النشير قولى لها: شيلى الغسيل.. لو قالت: مبلول..قولى لها "حطى مشمع "..لو معندهاش مشمع.. سلفيها المشمع بتاعك

.. لو مش عندك روحى اشترى .. تتجوزى ليه من غير مشمع وتزهقينا. 👈😂 

تعليقات

التنقل السريع